بلوچستان میں شجرکاری اور جنگلات کے تحفظ کے لیے اقدامات تیز

محکمہ جنگلات بلوچستان نے صوبے بھر میں جنگلات کے تحفظ، شجرکاری کے فروغ اور ماحول دوست رویوں کو اجاگر کرنے کے لیے مختلف اقدامات جاری رکھے ہوئے ہیں۔

مہردار پہاڑ کے دامن میں شجرکاری، بنجر علاقے کو سرسبز بنانے کی کوشش

فارسٹ آفیسر نیاز کاکڑ نے کہا ہے کہ محکمہ جنگلات بلوچستان صوبے بھر میں جنگلات کے تحفظ اور شجرکاری کے فروغ کے لیے مختلف اقدامات کر رہا ہے۔

انہوں نے کہا کہ محکمہ جنگلات نے مہردار پہاڑ کے دامن میں وسیع پیمانے پر شجرکاری کے ذریعے بنجر علاقے کو سرسبز بنانے کے اقدامات کیے ہیں۔

Balochistan is promoting tree plantation to protect forests and build a healthier environment.

شجرکاری کے لیے نجی اداروں کا تعاون ناگزیر قرار

نیاز کاکڑ نے کہا کہ نجی اداروں کے تعاون کے بغیر شجرکاری مہم کے مطلوبہ نتائج حاصل کرنا ممکن نہیں، اس لیے شجرکاری کے فروغ کے لیے سرکاری اداروں کے ساتھ نجی شعبے کی مؤثر شمولیت بھی ضروری ہے۔

انہوں نے کہا کہ درخت انسانی صحت، صاف ماحول اور آنے والی نسلوں کے بہتر مستقبل کی ضمانت ہیں، لہٰذا درختوں کی حفاظت ہر شہری کی ذمہ داری ہے۔

درختوں کے تحفظ کے لیے آگاہی سیشنز کی ضرورت

فارسٹ آفیسر نے کہا کہ درختوں کے تحفظ اور ماحول دوست رویوں کے فروغ کے لیے آگاہی سیشنز کا انعقاد ناگزیر ہے۔

انہوں نے شہریوں پر زور دیا کہ وہ اپنے گھروں، محلوں اور عوامی مقامات پر زیادہ سے زیادہ درخت لگائیں، ان کی مناسب دیکھ بھال کریں اور انہیں نقصان پہنچانے سے گریز کریں۔

شہری شجرکاری مہم میں بڑھ چڑھ کر حصہ لیں

نیاز کاکڑ نے کہا کہ شہری موجودہ درختوں کے تحفظ کو بھی اپنی ذمہ داری سمجھیں اور شجرکاری کے ساتھ ان کی نگہداشت پر بھی توجہ دیں۔

انہوں نے کہا کہ محکمہ جنگلات بلوچستان شہریوں کے ساتھ درخت لگانے اور درخت بچانے کے حوالے سے ہر ممکن تعاون کے لیے تیار ہے۔