پانچویں روز ورلڈ بینک مشن نے تربیت، کورس کے معیار اور شرکاء کی بھرپور شرکت کا جائزہ لیا
صحت کے شعبے میں تحقیق کا فروغ
کوئٹہ: بلوچستان میں صحت کے شعبے میں تحقیق اور شواہد کی بنیاد پر فیصلوں کے فروغ کیلئے SORT-IT کورس 2026-27 جاری ہے۔
صحت سے وابستہ افراد کی تربیت
SORT-IT یعنی Structured Operational Research and Training Initiative ایک تربیتی پروگرام ہے، جس کے تحت محکمہ صحت سے وابستہ افراد کو صحت کے مسائل پر عملی تحقیق، ڈیٹا کے تجزیے اور تحقیق کے نتائج کو پالیسی سازی اور عملی اقدامات کیلئے استعمال کرنے کی تربیت دی جارہی ہے۔
پانچویں روز ورلڈ بینک مشن کا دورہ
کورس کے پانچویں روز ورلڈ بینک مشن نے تربیتی پروگرام کا دورہ کیا اور شرکاء کی تربیت، کورس کے منظم ڈھانچے، معیار اور بھرپور شرکت کا جائزہ لیا۔
بلوچستان کے اقدام کو سراہا گیا
ورلڈ بینک مشن نے محکمہ صحت بلوچستان کی جانب سے شروع کیے گئے اقدام کو سراہتے ہوئے پروگرام کی پیش رفت اور قیادت کی تعریف کی۔
ملک کے دیگر حصوں تک توسیع میں دلچسپی
ورلڈ بینک مشن کی جانب سے اس ماڈل کو بلوچستان کی معاونت اور رہنمائی سے ملک کے دیگر حصوں تک وسعت دینے میں بھی دلچسپی کا اظہار کیا گیا۔
تحقیق پر مبنی نظام کے فروغ کی جانب اہم قدم
یہ اقدام بلوچستان میں صحت کے شعبے میں آپریشنل ریسرچ کی صلاحیت بڑھانے اور تحقیق پر مبنی نظام کو مضبوط بنانے کی جانب اہم پیش رفت قرار دیا جا رہا ہے۔
SORT-IT Course 2026-27 continues in Balochistan as World Bank mission reviews health research training and explores expanding the model across Pakistan.
