صوبائی وزیر داخلہ میر ضیاء اللہ لانگو کا اسمبلی چوک اور علمدار روڈ کا دورہ

کوئٹہ میں صوبائی وزیر داخلہ میر ضیاء اللہ لانگو نے جشن آزادی کی تیاریوں اور سیکیورٹی صورتحال کا جائزہ لیا، اس موقع پر شہریوں میں سبز ہلالی پرچم اور بیجز بھی تقسیم کیے گئے۔

جشن آزادی کی تیاریوں اور سیکیورٹی کا جائزہ

کوئٹہ: صوبائی وزیر داخلہ میر ضیاء اللہ لانگو نے اسمبلی چوک اور علمدار روڈ کا دورہ کیا اور جشن آزادی کے حوالے سے شہر میں جاری تیاریوں اور سیکیورٹی صورتحال کا جائزہ لیا۔ معاون خصوصی برائے داخلہ بابر یوسفزئی بھی ان کے ہمراہ تھے۔

دورے کے دوران میر ضیاء اللہ لانگو نے بچوں، نوجوانوں اور شہریوں میں سبز ہلالی پرچم اور جشن آزادی کے بیجز تقسیم کیے۔

بلوچستان بھر میں جشن آزادی کا جوش و خروش

صوبائی وزیر داخلہ میر ضیاء اللہ لانگو نے کہا کہ بلوچستان بھر میں جشن آزادی بھرپور جوش و جذبے کے ساتھ منایا جا رہا ہے۔ ان کے مطابق کوئٹہ شہر کو رنگ برنگی برقی قمقموں سے سجایا گیا ہے۔

انہوں نے کہا کہ زندہ قومیں اپنا جشن آزادی بھرپور اور شایان شان طریقے سے مناتی ہیں۔

Quetta is brightly decorated as Balochistan prepares for spirited Independence Day celebrations.

شہری جشن آزادی بھرپور انداز میں منائیں گے

معاون خصوصی برائے داخلہ بابر یوسفزئی نے کہا کہ جشن آزادی بھرپور ملی جوش و جذبے کے ساتھ منایا جائے گا۔ انہوں نے کہا کہ ہر شہری یوم آزادی کے حوالے سے پرجوش ہے۔