پاکستان میں سونے کی قیمت میں ایک ہی روز 11 ہزار 300 روپے کا نمایاں اضافہ ہوا، جس کے بعد 24 قیراط سونے کی فی تولہ قیمت 4 لاکھ 49 ہزار 236 روپے تک پہنچ گئی۔
سونے کی قیمت میں 11 ہزار 300 روپے اضافہ
آل پاکستان جیمز اینڈ جیولرز صرافہ ایسوسی ایشن (APGJSA) کے جاری کردہ نرخوں کے مطابق مقامی مارکیٹ میں سونے کی فی تولہ قیمت میں 11 ہزار 300 روپے کا اضافہ ریکارڈ کیا گیا۔
10 گرام سونے کی قیمت بھی 9 ہزار 688 روپے بڑھ کر 3 لاکھ 85 ہزار 147 روپے ہوگئی۔
Gold prices in Pakistan surged sharply following a major rise in international bullion rates.
عالمی مارکیٹ میں بھی سونا مہنگا ہوگیا
عالمی مارکیٹ میں سونے کی قیمت میں 113 ڈالر کا نمایاں اضافہ ہوا، جس کے بعد فی اونس قیمت 4 ہزار 268 ڈالر ہوگئی، جس میں 20 ڈالر کا پریمیم بھی شامل ہے۔
عالمی مارکیٹ میں سونے کے نرخوں میں نمایاں اضافے کے اثرات پاکستان کی مقامی صرافہ مارکیٹ پر بھی پڑے اور سونے کی قیمت میں بڑا اضافہ ریکارڈ کیا گیا۔
سونے کی قیمت میں مسلسل اضافے کا رجحان
اس سے ایک روز قبل بدھ کو بھی پاکستان میں سونے کی فی تولہ قیمت میں 10 ہزار روپے کا اضافہ ہوا تھا، جس کے بعد قیمت 4 لاکھ 37 ہزار 936 روپے ہوگئی تھی۔
تازہ اضافے کے بعد ملک میں سونے کی قیمت مزید بلند سطح پر پہنچ گئی ہے، جبکہ قیمتی دھات کی قیمتوں میں مسلسل اضافے کا رجحان برقرار ہے۔
چاندی کی قیمت میں بھی اضافہ
دوسری جانب مقامی مارکیٹ میں چاندی کی قیمت میں بھی اضافہ ریکارڈ کیا گیا۔
چاندی کی فی تولہ قیمت 35 روپے بڑھ کر 6 ہزار 659 روپے ہوگئی۔
