بیسک ملٹری ٹریننگ بیچ 76 کی پاسنگ آؤٹ پریڈ
24 ہفتوں کی سخت تربیت مکمل کرنے والے 1422 جوانوں نے ملک و قوم کی حفاظت کا حلف اٹھا لیا
خضدار: ایف سی بلوچستان (ساؤتھ) ٹریننگ سینٹر خضدار میں بیسک ملٹری ٹریننگ بیچ 76 کی شاندار پاسنگ آؤٹ پریڈ منعقد ہوئی، جس میں نئے 1422 جوانوں نے 24 ہفتوں کے سخت تربیتی پروگرام کی تکمیل کے بعد ملک و قوم کی حفاظت کا حلف اٹھایا۔
جوانوں نے پیشہ ورانہ مہارت اور عسکری تربیت کا مظاہرہ کیا
تقریب میں جوانوں نے شاندار پریڈ، مارچ پاسٹ اور مختلف فوجی مظاہروں کے ذریعے اپنی پیشہ ورانہ مہارت، نظم و ضبط اور اعلیٰ عسکری تربیت کا عملی مظاہرہ پیش کیا۔
کمانڈنٹ خضدار کرنل انور حسین تقریب کے مہمان خصوصی
مہمان خصوصی کمانڈنٹ خضدار کرنل انور حسین تھے، جبکہ مقامی عمائدین، سول و عسکری حکام اور طلبہ نے بھرپور شرکت کی۔ مہمان خصوصی نے پریڈ کا معائنہ کیا اور نئے سپاہیوں کی شاندار کارکردگی کو سراہا۔
FC Balochistan South holds passing-out parade for 1,422 recruits after completing 24 weeks of basic military training in Khuzdar.
فرنٹیئر کور میں شمولیت اعزاز کے ساتھ بڑی ذمہ داری بھی ہے
اپنی تقریر میں مہمان خصوصی نے 76ویں بیچ کو شاندار کارکردگی پر مبارکباد دیتے ہوئے کہا کہ فرنٹیئر کور میں شمولیت اعزاز کے ساتھ بڑی ذمہ داری بھی ہے۔ کٹھن چیلنجز کا سامنا کرنا ہوگا، مگر تربیت ایک بہترین سولجر بننے میں رہنمائی کرے گی۔
دہشت گردوں کے خلاف بھرپور مقابلے کے عزم کا اظہار
انہوں نے کہا کہ ہم ملک و قوم کا نام روشن کریں گے، سرحدوں اور ملک کے اندر دہشت گردوں کا مقابلہ کریں گے۔ تربیت کے دوران دی گئی ہدایات پر عمل، سوشل میڈیا اور پروپیگنڈے کو سمجھنا ضروری ہے۔
ایمان، اتحاد اور نظم و ضبط کامیابی کی بنیاد قرار
مہمان خصوصی نے کہا کہ ایمان، اتحاد، نظم و ضبط اور اعلیٰ عسکری تربیت ہماری کامیابی کی بنیاد ہیں۔
