جشن آزادی فٹبال کپ: ہنگ شابو اور ہزارہ کلب فائنل میں پہنچ گئے

کوئٹہ میں جشن آزادی فٹبال کپ کے سنسنی خیز مقابلے جاری ہیں، سیمی فائنلز میں ہنگ شابو اور ہزارہ کلب نے کامیابی حاصل کرکے فائنل کے لیے کوالیفائی کرلیا۔

ایوب اسٹیڈیم میں ہنگ شابو کی کامیابی

ایوب اسٹیڈیم کوئٹہ میں جشن آزادی کپ کا سیمی فائنل اے کے ایف سی اور ہنگ شابو کے درمیان کھیلا گیا، جس میں دونوں ٹیموں نے شاندار کھیل کا مظاہرہ کیا۔

مقررہ وقت تک دونوں ٹیموں نے ایک، ایک گول کیا اور مقابلہ برابر رہا۔ میچ کا فیصلہ پینلٹی ککس پر ہوا، جہاں ہنگ شابو نے اے کے ایف سی کو تین کے مقابلے میں چار گول سے شکست دے کر فائنل میں جگہ بنالی۔

شائقینِ فٹبال کی بھرپور شرکت

سیمی فائنل دیکھنے کے لیے شائقینِ فٹبال کی بڑی تعداد ایوب اسٹیڈیم میں موجود تھی، جنہوں نے اپنی پسندیدہ ٹیموں کی بھرپور حوصلہ افزائی کی۔

The football tournament is highlighting competitive spirit among Quetta’s young players.

ہزارہ کلب بھی فائنل میں پہنچ گیا

دوسری جانب ریلوے گراؤنڈ کوئٹہ میں کھیلے گئے دوسرے سیمی فائنل میں ہزارہ کلب نے رائل اکیڈمی کو شکست دے کر فائنل کے لیے کوالیفائی کرلیا۔

یوں جشن آزادی کپ کے فائنل میں ہنگ شابو اور ہزارہ کلب کی ٹیمیں آمنے سامنے ہوں گی۔

آج فائنل میں ہنگ شابو اور ہزارہ کلب مدمقابل

جشن آزادی فٹبال کپ کا فائنل آج ایوب اسٹیڈیم کوئٹہ میں ہنگ شابو اور ہزارہ کلب کے درمیان کھیلا جائے گا، جہاں دونوں ٹیمیں ٹائٹل کے حصول کے لیے میدان میں اتریں گی۔