وزیراعلیٰ بلوچستان فٹبال گولڈ کپ: مسلم کلب چمن اور آتش دوستان ٹانک کی کامیابی

پری کوارٹر فائنلز میں مسلم کلب چمن نے زیڈ کے بی ژوب جبکہ آتش دوستان ٹانک نے پاک ایجوکیشن کو شکست دے دی

چھٹے آل پاکستان وزیراعلیٰ بلوچستان فٹبال گولڈ کپ کے پری کوارٹر فائنلز کے مقابلے جاری ہیں، ایوب اسٹیڈیم میں کھیلے گئے دونوں میچز میں شائقین کو سنسنی خیز مقابلے دیکھنے کو ملے۔

مسلم کلب چمن کی شاندار کامیابی

ایونٹ کے پہلے میچ میں مسلم کلب چمن نے شاندار کھیل پیش کرتے ہوئے زیڈ کے بی ژوب کو صفر کے مقابلے میں دو گول سے شکست دے دی۔

مسلم کلب چمن کی کامیابی کے ساتھ ہی ٹیم نے کوارٹر فائنل مرحلے میں جگہ بنالی۔

آتش دوستان ٹانک نے پاک ایجوکیشن کو شکست دے دی

دوسرے میچ میں آتش دوستان ٹانک اور پاک ایجوکیشن کے درمیان سخت مقابلہ ہوا، آتش دوستان ٹانک نے دو کے مقابلے میں تین گول سے کامیابی حاصل کی۔

آتش دوستان ٹانک بھی کامیابی کے بعد کوارٹر فائنل مرحلے میں پہنچ گئی۔

ملک بھر کے نامور کھلاڑی ایونٹ کا حصہ

سیکرٹری کھیل و امور نوجوانان درا بلوچ نے کہا کہ وزیراعلیٰ بلوچستان فٹبال گولڈ کپ کامیابی سے جاری ہے، ایونٹ میں ملک کے نامور کھلاڑی اور ٹیمیں حصہ لے رہی ہیں۔

شائقینِ فٹبال نے بھی ایونٹ کے انعقاد کو سراہتے ہوئے محکمہ کھیل حکومت بلوچستان اور وزیراعلیٰ بلوچستان کا شکریہ ادا کیا۔

چھٹے آل پاکستان وزیراعلیٰ بلوچستان فٹبال گولڈ کپ میں پری کوارٹر فائنلز کے مقابلے جاری ہیں، جبکہ کامیابی حاصل کرنے والی ٹیموں نے کوارٹر فائنل مرحلے میں جگہ بنالی ہے.

CM Balochistan Football Gold Cup: Muslim Club Chaman and Atish Dostan Tank Reach Quarter-Finals