لاہور میں ایگری کنیکشنز 2026 کانفرنس اینڈ ایکسپو کا انعقاد ہوا، جسے پاکستان میں زرعی جدت، شراکت داری اور سرمایہ کاری کے فروغ کی جانب اہم پیش رفت قرار دیا جارہا ہے۔
خصوصی سرمایہ کاری سہولت کونسل (ایس آئی ایف سی) کی سہولت کاری سے منعقدہ کانفرنس میں صنعتکاروں، کسانوں، سرمایہ کاروں، ماہرین اور زرعی شعبے سے وابستہ اہم اسٹیک ہولڈرز نے شرکت کی۔
جدید زرعی ٹیکنالوجی پر توجہ
کانفرنس کے دوران جدید زرعی ٹیکنالوجی، سمارٹ آبپاشی، جدید بیجوں اور زرعی پیداوار میں ویلیو ایڈیشن کے حل پر تبادلہ خیال کیا گیا۔
شرکاء نے زرعی شعبے میں جدت اور جدید ٹیکنالوجی کے استعمال کو فروغ دینے کی ضرورت پر زور دیا۔
زرعی استعداد اور غذائی تحفظ
ایس آئی ایف سی پاکستان کے زرعی شعبے کی استعداد بڑھانے، سرمایہ کاری کے فروغ اور غذائی تحفظ کو یقینی بنانے کے لیے سہولت کاری جاری رکھے ہوئے ہے۔
ایگری کنیکشنز 2026 کو زرعی شعبے سے وابستہ مختلف طبقات کے درمیان شراکت داری اور سرمایہ کاری کے نئے مواقع پیدا کرنے کے اہم پلیٹ فارم کے طور پر پیش کیا گیا۔
Agri Connections 2026: Pakistan Unveils New Opportunities for Agricultural Innovation and Investment
