آزاد کشمیر انتخابات: کوئٹہ میں پولنگ کے بعد نتائج سامنے آگئے

کوئٹہ میں آزاد جموں و کشمیر قانون ساز اسمبلی کے انتخابات کے دوسرے مرحلے میں پولنگ مکمل ہونے کے بعد نتائج سامنے آگئے، LA-34 جموں ون سے مسلم لیگ ن کے امیدوار ناصر حسین ڈار کامیاب قرار پائے، جبکہ LA-40 کشمیر ویلی ون سے پیپلز پارٹی کے امیدوار عامر عبدالغفار لون نے کامیابی حاصل کرلی۔

LA-34 جموں ون کا نتیجہ

آزاد کشمیر اسمبلی کے حلقہ LA-34 جموں ون میں مسلم لیگ ن کے امیدوار ناصر حسین ڈار نے کامیابی حاصل کی۔ یہ حلقہ سندھ، بلوچستان اور پنجاب میں مقیم کشمیری مہاجرین کے لیے مختص نشستوں میں شامل ہے۔ دستیاب نتائج کے مطابق ناصر حسین ڈار کامیاب قرار پائے ہیں۔

LA-40 کشمیر ویلی ون میں پیپلز پارٹی کامیاب

حلقہ LA-40 کشمیر ویلی ون سے پیپلز پارٹی کے امیدوار عامر عبدالغفار لون نے کامیابی حاصل کی۔ دستیاب نتائج کے مطابق انہوں نے 2,914 ووٹ حاصل کیے جبکہ ان کے مد مقابل امیدوار محمد سلیم بٹ نے 136 ووٹ حاصل کیے۔

LA-40 کشمیر ویلی ون کا حلقہ سندھ اور بلوچستان میں مقیم کشمیر ویلی سے تعلق رکھنے والے مہاجرین پر مشتمل ہے۔

دوسرے مرحلے میں ن لیگ کا پلڑا بھاری

آزاد کشمیر اسمبلی انتخابات کے دوسرے مرحلے میں مسلم لیگ ن نے مجموعی طور پر واضح برتری حاصل کی ہے۔ تازہ غیر حتمی نتائج کے مطابق ن لیگ نے 14 نشستیں جبکہ پیپلز پارٹی نے 4 نشستیں جیتی ہیں۔

انتخابات کے دوسرے مرحلے میں مظفرآباد ڈویژن کی نشستوں کے ساتھ مختلف علاقوں میں مقیم کشمیری مہاجرین کی 12 نشستوں پر بھی پولنگ ہوئی۔

پولنگ کے دوران سیکیورٹی کے سخت انتظامات

پولنگ کے دوران حساس اور انتہائی حساس پولنگ اسٹیشنز پر سیکیورٹی کے سخت انتظامات کیے گئے تھے۔ پولنگ مکمل ہونے کے بعد انتخابی عملہ اور ریٹرننگ افسران نے ووٹوں کی گنتی اور نتائج مرتب کرنے کا عمل مکمل کیا۔