دکی کی اہم شاہراہ ڈاکٹر ماہ نور ناصر کے نام سے منسوب، باضابطہ نوٹیفکیشن جاری

وزیراعلیٰ بلوچستان کی منظوری کے بعد محکمہ بلدیات و دیہی ترقی نے دکی کی حاجی امان اللہ مسجد روڈ کو ڈاکٹر ماہ نور ناصر کے نام سے منسوب کرنے کا باضابطہ نوٹیفکیشن جاری کردیا۔

ڈاکٹر ماہ نور ناصر کے نام سے سڑک منسوب

کوئٹہ: محکمہ بلدیات و دیہی ترقی بلوچستان نے ڈاکٹر ماہ نور ناصر کی بہادری، حوصلے اور بطور طبی پیشہ ور خدمات کے اعتراف میں دکی کی ایک اہم شاہراہ ان کے نام سے منسوب کردی ہے۔

22 اگست 2026 کو جاری کیے گئے نوٹیفکیشن کے مطابق چیف منسٹر بلوچستان کی پیشگی منظوری سے دکی میں دامنی چوک سے ملحقہ حاجی امان اللہ مسجد روڈ کا نام تبدیل کرکے ڈاکٹر ماہ نور ناصر روڈ، دکی رکھ دیا گیا ہے، جس کا اطلاق فوری طور پر ہوگا۔

ڈاکٹر ماہ نور ناصر کی خدمات کا اعتراف

حکومت بلوچستان کی جانب سے ڈاکٹر ماہ نور ناصر کی بہادری، ثابت قدمی اور فرض شناسی کو خراج تحسین پیش کرتے ہوئے سڑک ان کے نام سے منسوب کرنے کا اعلان کیا گیا تھا۔

حکومت کا کہنا ہے کہ بہادر اور فرض شناس شہریوں کی خدمات کا اعتراف اور ان کی حوصلہ افزائی ریاست کی ذمہ داری ہے۔

This recognition honours Dr. Mahnoor Nasar’s courage and dedication to public service.

بلوچستان کی بیٹیوں کے لیے قابل فخر مثال

ڈاکٹر ماہ نور ناصر کی جرات، حوصلے اور عزم کو بلوچستان کی بیٹیوں کے لیے قابل فخر مثال قرار دیا گیا ہے۔

محکمہ بلدیات و دیہی ترقی کے باضابطہ نوٹیفکیشن کے اجرا کے بعد دکی کی مذکورہ شاہراہ اب سرکاری طور پر ڈاکٹر ماہ نور ناصر روڈ کے نام سے شناخت کی جائے گی۔