ٹرمپ کی جانب سے وزیراعظم شہباز شریف کا بیان شیئر، پاکستان کے مؤقف کو عالمی سطح پر پذیرائی

جنوبی ایشیا میں کشیدگی کے خاتمے اور مسئلہ کشمیر کے حل پر زور، وزیراعظم کا جنرل اسمبلی سے خطاب میں اظہارِ خیال

امریکی صدر ڈونلڈ ٹرمپ نے وزیراعظم محمد شہباز شریف کے اقوام متحدہ کی جنرل اسمبلی سے خطاب کے بیان کو سوشل میڈیا پر شیئر کردیا، جس میں وزیراعظم نے بھارت کے ساتھ حالیہ کشیدگی، پاکستان کے دفاعی ردعمل اور مسئلہ کشمیر کے حل کی ضرورت پر روشنی ڈالی تھی۔

وزیراعظم شہباز شریف کا جنرل اسمبلی سے خطاب

وزیراعظم شہباز شریف نے اقوام متحدہ کی جنرل اسمبلی کے 81ویں اجلاس سے خطاب کرتے ہوئے کہا تھا کہ بھارت نے جھوٹا بیانیہ تشکیل دے کر پاکستان پر حملہ کیا، تاہم پاکستان نے فیلڈ مارشل عاصم منیر کی قیادت میں بھارتی جارحیت کا بھرپور مقابلہ کیا۔

وزیراعظم کا کہنا تھا کہ پاکستان نے بھارت کو ایسا سبق سکھایا جسے وہ کبھی فراموش نہیں کرے گا۔

صدر ٹرمپ کی قیادت اور علاقائی امن

وزیراعظم شہباز شریف نے اپنے خطاب میں امریکی صدر ڈونلڈ ٹرمپ کی قیادت کو سراہتے ہوئے کہا کہ صدر ٹرمپ کے وژن اور قیادت کے باعث جنوبی ایشیا کے لاکھوں عوام کی جانیں بچانے میں مدد ملی۔

انہوں نے کہا کہ پاکستان اور بھارت، دونوں ایٹمی طاقتیں، ایک مکمل جنگ کے دہانے پر پہنچ چکی تھیں، جس کے سنگین نتائج پورے خطے کے لیے تباہ کن ہوسکتے تھے۔

مسئلہ کشمیر کے حل پر زور

وزیراعظم نے زور دیا کہ جنوبی ایشیا کو دوبارہ ایسی خطرناک صورتحال سے بچانے کے لیے دیرپا امن کی بنیاد رکھنا ضروری ہے۔

ان کا کہنا تھا کہ خطے میں پائیدار امن کے قیام کے لیے مسئلہ کشمیر کا منصفانہ حل یقینی بنانا ہوگا، تاکہ کشیدگی کا مستقل خاتمہ اور خطے میں استحکام ممکن بنایا جاسکے۔

Donald Trump shares PM Shehbaz Sharif’s UNGA statement on Pakistan-India tensions, regional peace and the Kashmir dispute.