پشتون ثقافت بلوچستان کی تہذیبی شناخت کا اہم حصہ ہے، میر سرفراز بگٹی — ثقافتی ورثے کا تحفظ نئی نسل کو اپنی تاریخ، اقدار اور شناخت سے جوڑنے کا ذریعہ ہے
کوئٹہ: وزیراعلیٰ بلوچستان میر سرفراز بگٹی نے پشتون کلچر ڈے کے موقع پر صوبے کی پشتون برادری کو مبارکباد پیش کرتے ہوئے کہا ہے کہ پشتون ثقافت بلوچستان کی تہذیبی شناخت کا ایک اہم اور خوبصورت حصہ ہے۔
پشتون ثقافت کی نمایاں روایات
میر سرفراز بگٹی نے کہا کہ پشتون ثقافت میں مہمان نوازی، رواداری، بہادری، بھائی چارے اور انسان دوستی کی اعلیٰ روایات نمایاں ہیں، جو معاشرے میں باہمی احترام اور ہم آہنگی کو فروغ دیتی ہیں۔
بلوچستان ثقافتی تنوع کا مرکز
وزیراعلیٰ بلوچستان نے کہا کہ بلوچستان مختلف اقوام، زبانوں اور ثقافتوں کا حسین امتزاج ہے اور یہی ثقافتی تنوع صوبے کی اصل خوبصورتی اور قوت ہے۔
انہوں نے کہا کہ پشتون برادری نے بلوچستان کی سماجی، ادبی، سیاسی اور معاشی ترقی میں اہم کردار ادا کیا ہے اور صوبے کی مجموعی ترقی میں ان کی خدمات قابلِ قدر ہیں۔
ثقافتی ورثے کا تحفظ ضروری
میر سرفراز بگٹی نے کہا کہ ثقافتی ورثے کا تحفظ نئی نسل کو اپنی تاریخ، اقدار اور شناخت سے جوڑنے کا اہم ذریعہ ہے۔ تمام ثقافتوں، زبانوں اور روایات کا احترام اور ان کا فروغ ہم سب کی مشترکہ ذمہ داری ہے۔
انہوں نے کہا کہ پشتون کلچر ڈے صرف ثقافت کے اظہار کا دن نہیں بلکہ امن، بھائی چارے، باہمی احترام اور رواداری کے فروغ کا پیغام بھی ہے۔
CM Balochistan Mir Sarfraz Bugti felicitates Pashtun community on Pashtun Culture Day, highlights cultural diversity, traditions, peace and brotherhood.
