ڈسٹرکٹ کوآرڈینیشن کمیٹی کے اجلاس میں سرکاری محکموں کی کارکردگی، BSDI اور PSDP منصوبوں، امن و امان اور 14 اگست کی تقریبات کے انتظامات کا جائزہ لیا گیا۔
ترقیاتی منصوبوں میں معیار اور شفافیت یقینی بنانے کی ہدایت
دکی: بلوچستان اسپیشل ڈویلپمنٹ انیشیٹو (BSDI) اور ضلعی انتظامی امور کا جائزہ لینے کے لیے ڈپٹی کمشنر دکی فضل الرحمن کبدانی کی زیرِ صدارت ڈسٹرکٹ کوآرڈینیشن کمیٹی کا اجلاس ہوا۔
اجلاس میں ایس پی دکی منصور احمد بزدار، تمام لائن ڈیپارٹمنٹس کے سربراہان، سیکیورٹی اداروں اور متعلقہ افسران نے شرکت کی۔ اجلاس کے دوران سرکاری محکموں کی کارکردگی، باہمی رابطہ کاری اور ضلع میں جاری مختلف امور کا جائزہ لیا گیا۔
The meeting emphasized transparency, timely development, and effective coordination among departments.
ڈپٹی کمشنر نے PSDP اور BSDI کے تحت جاری ترقیاتی منصوبوں کا جائزہ لیتے ہوئے متعلقہ حکام کو منصوبوں کی بروقت تکمیل، معیار اور شفافیت یقینی بنانے کی ہدایت کی۔
14 اگست کی تقریبات کے انتظامات کا جائزہ
اجلاس میں یومِ آزادی کی تقریبات کے انتظامات پر بھی تفصیلی غور کیا گیا۔ ڈپٹی کمشنر نے متعلقہ محکموں کو 14 اگست کی تقریبات کے لیے بہتر اور مؤثر انتظامات یقینی بنانے کی ہدایت کی۔
انہوں نے کہا کہ قومی دن کے موقع پر تمام ضروری انتظامات بروقت مکمل کیے جائیں تاکہ تقریبات احسن انداز میں منعقد ہو سکیں۔
غیر قانونی سرگرمیوں کے خلاف کارروائی جاری رکھنے کی ہدایت
ڈپٹی کمشنر فضل الرحمن کبدانی نے افسران کو فیلڈ میں فعال رہنے اور عوامی مسائل کے فوری حل کے لیے مؤثر اقدامات کرنے کی ہدایت کی۔
امن و امان اور انتظامی امور پر بھی غور
اجلاس میں ضلع میں امن و امان کی صورتحال اور مختلف انتظامی امور کا بھی جائزہ لیا گیا۔ ڈپٹی کمشنر نے افسران پر زور دیا کہ وہ ذمہ داری، شفافیت اور باہمی رابطے کے ساتھ اپنے فرائض انجام دیں۔
