وزیراعظم محمد شہباز شریف کی ہدایت پر پیٹرولیم مصنوعات کی قیمتوں میں نمایاں ردوبدل، ڈیزل سستا جبکہ پٹرول کی قیمت میں اضافہ کردیا گیا۔
ڈیزل کی قیمت میں 32 روپے 63 پیسے کمی
پیٹرولیم ڈویژن کی جانب سے جاری نوٹیفکیشن کے مطابق ہائی اسپیڈ ڈیزل کی قیمت میں 32 روپے 63 پیسے فی لیٹر کمی کردی گئی ہے، جس کے بعد ڈیزل کی نئی قیمت 363 روپے 6 پیسے فی لیٹر مقرر کردی گئی ہے۔
ڈیزل کی نئی قیمت کا اطلاق 20 اگست 2026 سے ہوگا، جبکہ اس سے قبل ہائی اسپیڈ ڈیزل 395 روپے 69 پیسے فی لیٹر میں فروخت کیا جا رہا تھا۔
پٹرول کی قیمت میں 2 روپے 97 پیسے اضافہ
پیٹرولیم مصنوعات کی قیمتوں میں ردوبدل کے تحت موٹر اسپرٹ یعنی پٹرول کی قیمت میں 2 روپے 97 پیسے فی لیٹر اضافہ کیا گیا ہے۔
اضافے کے بعد پٹرول کی نئی قیمت 337 روپے 51 پیسے فی لیٹر مقرر کی گئی ہے، جبکہ اس کی سابقہ قیمت 334 روپے 54 پیسے فی لیٹر تھی۔
Pakistan’s revised fuel prices will take effect from August 20, 2026.
کسانوں اور ٹرانسپورٹرز کو ریلیف ملنے کی توقع
ڈیزل کی قیمت میں نمایاں کمی سے زرعی شعبے اور ٹرانسپورٹ سے وابستہ افراد کو ریلیف ملنے کی توقع ہے۔ ڈیزل کی قیمت میں کمی سے زرعی مشینری، مال بردار گاڑیوں اور پبلک ٹرانسپورٹ کے آپریشنل اخراجات میں کمی آنے کا امکان ہے۔
پیٹرولیم مصنوعات کی نئی قیمتیں 20 اگست 2026 سے نافذ العمل ہوں گی۔
