امریکی ریاست فلوریڈا میں ’Enter the Halo‘ ایٹ مین MMA ٹورنامنٹ میں شاہ زیب رند نے مسلسل تین مقابلے جیت کر ٹائٹل اپنے نام کرلیا
کوئٹہ: کوئٹہ سے تعلق رکھنے والے پاکستانی ایم ایم اے فائٹر شاہ زیب رند نے امریکی ریاست فلوریڈا میں ہونے والے ’Enter the Halo‘ ایٹ مین MMA ٹورنامنٹ میں شاندار کارکردگی کا مظاہرہ کرتے ہوئے ایک ہی رات میں تین مقابلے جیت کر ٹائٹل اپنے نام کرلیا۔
پہلے مقابلے میں 7 سیکنڈز میں ناک آؤٹ
شاہ زیب رند نے ٹورنامنٹ کے پہلے مقابلے میں اپنے حریف کو صرف 7 سیکنڈز میں ناک آؤٹ کرکے شاندار آغاز کیا۔
اس کے بعد انہوں نے سیمی فائنل میں کامیابی حاصل کی اور فیصلہ کن فائنل مقابلہ بھی جیت کر ٹورنامنٹ کی ٹرافی اپنے نام کرلی۔
ٹرافی کے ساتھ 10 ہزار ڈالر انعام
تینوں مقابلوں میں کامیابی کے بعد شاہ زیب رند نے ٹائٹل کے ساتھ 10 ہزار امریکی ڈالر کی انعامی رقم بھی حاصل کی۔
شاہ زیب رند کی اس کامیابی کو کوئٹہ اور پاکستان کے لیے اعزاز قرار دیا جا رہا ہے، جبکہ ان کی مسلسل تین فتوحات نے ایم ایم اے کے میدان میں ان کی صلاحیتوں کو نمایاں کیا ہے۔
Quetta’s Shahzaib Rind wins three MMA fights in one night in Florida, claiming the Enter the Halo 8-Man MMA Tournament title and a $10,000 prize.
