ایک طرف گیس کی لوڈشیڈنگ، دوسری جانب ایل پی جی کی قیمتوں میں ہوشربا اضافہ، عوام دوہری مشکلات کا شکار

ایل پی جی فی کلو 14 روپے 73 پیسے مہنگی، گھریلو سلنڈر کی قیمت میں 173 روپے 86 پیسے اضافہ، اوگرا نے نوٹیفکیشن جاری کردیا

ملک بھر میں گیس کی لوڈشیڈنگ اور قلت کے باعث پہلے ہی مشکلات کا شکار عوام کو ایک اور مہنگائی کا جھٹکا لگ گیا، اوگرا نے ایل پی جی کی قیمت میں فی کلو 14 روپے 73 پیسے اضافہ کردیا، جس کے بعد گھریلو صارفین کے لیے گیس کے متبادل ذرائع بھی مزید مہنگے ہوگئے ہیں۔

گھریلو ایل پی جی سلنڈر 173 روپے سے زائد مہنگا

اوگرا کی جانب سے جاری نوٹیفکیشن کے مطابق 11.8 کلوگرام کے گھریلو ایل پی جی سلنڈر کی قیمت میں 173 روپے 86 پیسے اضافہ کیا گیا ہے، جس کے بعد نئے نرخ کے تحت سلنڈر کی قیمت 3 ہزار 470 روپے 9 پیسے مقرر کردی گئی ہے۔

گیس کی لوڈشیڈنگ، مہنگا سلنڈر عوام کے لیے نئی آزمائش

ایک طرف گھریلو صارفین گیس کی لوڈشیڈنگ اور کم پریشر کے باعث پریشان ہیں تو دوسری جانب ایل پی جی کی قیمتوں میں اضافے نے ان کی مشکلات مزید بڑھا دی ہیں۔ گیس کی عدم دستیابی کے دوران ایل پی جی استعمال کرنے والے شہریوں کو اب کھانا پکانے کے لیے بھی زیادہ اخراجات برداشت کرنا پڑیں گے۔

مہنگائی کے بوجھ تلے دبے شہریوں کی مشکلات میں اضافہ

ایل پی جی کی قیمتوں میں حالیہ اضافے سے خصوصاً کم آمدن والے طبقے کے گھریلو بجٹ پر مزید دباؤ پڑے گا، جبکہ گیس کی قلت اور بڑھتی ہوئی قیمتوں نے عوام کے لیے روزمرہ ضروریات پوری کرنا مزید مشکل بنا دیا ہے

۔LPG Prices Increased by Rs14.73 Per Kg Across Pakistan, Adding to Public Burden Amid Gas Load Shedding