نیپال میں سیلاب اور لینڈ سلائیڈنگ، صدر اور وزیراعظم کا اظہارِ افسوس

صدر آصف علی زرداری اور وزیراعظم محمد شہباز شریف نے نیپال میں سیلاب اور لینڈ سلائیڈنگ کے نتیجے میں قیمتی جانوں کے ضیاع اور بڑے پیمانے پر تباہی پر گہرے دکھ اور افسوس کا اظہار کیا ہے۔

پاکستان کی جانب سے نیپال سے اظہارِ یکجہتی

صدر آصف علی زرداری نے نیپال میں قدرتی آفت کے نتیجے میں جاں بحق افراد کے لواحقین سے ہمدردی کا اظہار کرتے ہوئے نیپالی عوام اور حکومت کے ساتھ یکجہتی کا اظہار کیا۔

صدر نے زخمیوں کی جلد صحتیابی اور لاپتا افراد کی بحفاظت واپسی کے لیے دعا بھی کی۔

وزیراعظم شہباز شریف کا اظہارِ افسوس

وزیراعظم محمد شہباز شریف نے بھی نیپال کے ضلع رسووا اور دیگر متاثرہ علاقوں میں سیلاب اور لینڈ سلائیڈنگ سے ہونے والی تباہی پر گہرے رنج و غم کا اظہار کیا۔

وزیراعظم نے کہا کہ اس المناک سانحے میں جاں بحق افراد کے اہل خانہ اور تمام متاثرین کے ساتھ ان کی دلی ہمدردیاں ہیں۔

مشکل وقت میں نیپال کے ساتھ کھڑے ہیں

وزیراعظم نے کہا کہ پاکستان اس مشکل وقت میں نیپال کی حکومت اور عوام کے ساتھ مکمل یکجہتی کا اظہار کرتا ہے۔

انہوں نے متاثرہ علاقوں میں موجود تمام افراد کی سلامتی اور خیریت کے لیے دعا کی۔

Pakistan stands in solidarity with Nepal during this difficult time of tragedy and loss